Kryefaqja Shendeti a-z D Diabeti pas moshës 50 vjeç, shenjë e këtij lloji kanceri?

Diabeti pas moshës 50 vjeç, shenjë e këtij lloji kanceri?

0
Shpërndaje

Përshtati në shqip: Blertina Koka

Shfaqja e diabetit pas moshës 50 vjeç mund të jetë shenjë e parë e kancerit të pankreasit, sugjeron një studim i ri. Kanceri i pankreasit është një nga më vdekjeprurësit, me vetëm 8% shanse për mbijetesë për 5 vjet.

Disa nga simptomat e kancerit të pankreasit janë dhimbja abdominale, rënia në peshë dhe lodhja. Faktorët më rrezikues janë duhanpirja, obeziteti, mosha e vjetër dhe historia familjare. Duhanpirja shkakton rreth 30% të rasteve të kancerit të pankreasit, sipas Shoqatës Amerikane të Kancerit.

Gjatë studimit, të publikuar të hënën tek Revista e Institutit Kombëtar të Kancerit, u monitoruan për 20 vite rreth 50 mijë afro-amerikan dhe hispanik të moshës mbi 50 vjeç. Asnjë nga këta pjesëmarrës nuk vuante nga diabeti apo kanceri i pankreasit në fillim të studimit. Nga këta persona të monitoruar, shkencëtarët identifikuan rreth 16 mijë persona që zhvilluan diabet dhe rreth 400 që zhvilluan kancer të pankreasit gjatë periudhës 20-vjeçare të studimit.

Individët që zhvilluan diabet ishin dyfish më të rrezikuar që të zhvillohen kancer të pankreasit. Mbi 50% e individëve diabetikë me kancer të pankreasit u diagnostikuan me diabet brenda tri vitesh pas diagnozës me kancer të pankreasit.

“Nëse vëren llojin e diabetit tip 2 që pacientët me kancer të pankreasit kanë, pjesa më e madhe e pacientëve me diabet janë diagnostikuar shumë afër periudhës së diagnostikimit me kancer.

Këto rezultate sugjerojnë se zhvillimi i diabetit, sidomos në moshë të vjetër, mund të jetë shenjë e parë e kancerit të pankreasit për disa njerëz, thotë dr. Zev Wainberg, profesor i asociuar në UCLA’s Jonsson Comprehensive Cancer Center.

“Studimi sugjeron se pacientët me diabet – sidomos ata që janë diagnostikuar vonë- dhe mjekët duhet të monitorojnë dhe identifikojnë rreziqet për kancerit e pankreasit”, shton Wainberg.

Burimi: CNN / Shendeti.com.al

LËR NJË MESAZH

Please enter your comment!
Please enter your name here