Ndoshta jeni përpjekur shumë që të keni shëndet të mirë gjithë kohës duke ngrënë siç duhet, duke u ushtruar, duke bërë kontrollet e duhura mjekësore. Gjithsesi ndërsa koha kalon dhe i afroheni moshës së tretë, janë disa gjëra që ndoshta është mirë t’i merrni parasysh. Më poshtë disa këshilla nga mjekët e Shkollës Mjekësore të Harvardit:
Përshtasni shtëpinë: shkallët, banja dhe kuzhina janë problematike për të moshuarit. Edhe nëse tani nuk keni nevojë për ndryshime, filloni t’i bëni ato avash-avash në mënyrë që të mos ju pengojnë ndërsa vitet kalojnë.
Kujdesuni të mos rrëzoheni: Rrëzimet janë problemi më i madh për të moshuarit, që u shkaktojnë deri vdekje. Masat e sigurisë janë të rëndësishme, por gjithashtu kujdesuni të bëni ushtrime që përmirësojnë ekuilibrin dhe forcën.
Merrni parasysh azilet. Ndoshta ju duket jo e natyrshme, por azilet janë një shtëpi e mirë për ata që nuk kanë të afërm dhe zakonisht kanë shërbime të mira për të moshuarit.
Mendoni më parë lidhur me ndihmën që do t’ju duhet: Përgatitja e vakteve, transporti, rregullimi i shtëpisë, pastrimi janë disa gjëra që do t’ju duhen kur të plakeni, kështu që kërkoni që më parë persona të aftë për t’ua bërë shërbime të tilla.
Plani i emergjencës: Kë do të thërrisni nëse keni një problem? A ka një person që mund të vijë t’ju shohë rregullisht? Ç’do të bëni nëse rrëzoheni dhe nuk arrini telefonin? Mbani numra urgjence pranë çdo telefoni. Mbani një celular me butona të mëdhenj dhe mendoni të investoni në një sistem alarmi personal.
Shkruani direktiva kujdesi: Këto direktiva, si për shembull, një letër lidhur me dëshirat që keni nëse jeni shumë i sëmurë ose nuk mund të flisni, tregojnë vullnetin tuaj kur ju jeni të pamundur. Çdo i afërm i juaj i rritur duhet t’i ketë këto dokumente./ Përgatiti: Arlinda Gjypi
