Elena Beta
Në datë 22 Maj 2017 Instituti Shqiptar për Çështjet Publike dhe Shkolla “28 Nëntori”, në bashkëpunim me Ministrinë e Arsimit dhe Sportit, Projekti IADSA në Shqipëri, organizuan aktivitetin me titull: Ditët e Hapura të Shkollës Qendër Komunitare në shkollën “28 Nëntori” në Shkodër.
Kjo nisëm ka si qëllim hapjen e ambienteve të shkollës për organizimin e një sërë aktivitetesh mësimore, kulturore, artistike, sportive e krijuese, me përfshirje të gjerë dhe me bashkëpunim me aktorë të rëndësishëm te komunitetit për të realizuar qëllime të përbashkëta.
E pranishme edhe Kryetarja e Bashkisë Shkodër, znj. Voltana Ademi e cila përgëzoi për punën e bërë stafin e shkolles dhe bashkëpunëtorët e projektit “Shkolla Qendër Komunitare” dhe theksoi se do të punohet më shumë duke e renditur fuqizimin e shkollës në prioritetet e pushtetit vendor.
Drejtoresha e gjimnazit “28 Nëntori”, Albana Bushati, në fjalën e saj përshëndetëse tha se qëllimi i përfshirjes së shkollës në projektin “Shkolla Qendër Komunitare” synon ndërtimin e një ambienti miqësor si dhe ndërtimin e një partneriteti të fortë midis shkollës, mësuesve, prindërve dhe komunitetit. Vijuan fjala përshëndetëse e nga përfaqësuesit të komunitetit të prindërve, ish nxënës i shkollës, përfaqësueses të projektit IADSA e në mbyllje fjala përshëndetëse e drejtuesit të DAR-Shkodër.
Gjatë aktivitetit u zhvilluan trajnime të nxënësve nga prindër me profesion mjek, inxhinier, mësues. Guida të përbërë nga nxënës të shkollës, shoqëruan të ftuarit për të vizituar ambientet e shkollës, duke u njohur me klasat, palestrën dhe hapësirat, të cilat mund të shërbejnë edhe për komunitetin. Disa nga ambientet që u vizituan nga të ftuarit ishin dhe kabinetet biologji, kimi, fizikë; biblioteka e shkollës dhe muzeu ku u zhvillua edhe konferenca me të ftuarit.
U prezantuan projekte të ndryshme, puna e bërë nga klubet e nxënësve si dhe u zhvilluan lojëra sportive brenda dhe jashtë mjediseve të shkollës.
Të ftuarit patën mundësi të njihen: Seksionit dygjuhësh italo – shqiptar ; Klubet rinore dhe bashkëpunimet, dy projekte për realizim: “Qendra Burimore për luftën ndaj drogave dhe parandalimin e HIV-AIDS” dhe “Portali i gjimnazit SHQK”. Pati interes të veçantë për prezantimin e “Klubi i librit” në klasën digjitale.
Në përfundim të aktivitetit, të ftuarit u bashkuan në një banket të shtruar nga organizatorët.
