Nga gazeta “Shëndet+”
1 kg domate përmban 230 kalori. Domatja e bën ushqimin të shijshëm, ajo shton oreksin. Acidet e domateve dhe sidomos ai citrik ndihmon në tretjen e ushqimit dhe në luftimin e parazitëve të zorrëve. Nga studime të ndryshme del se domatja përmban një numër antibiotikësh siç është “tomatina” e cila paraqet interes në luftimin e sëmundjeve të lëkurës dhe të aparatit tretës.
Është vërtetuar se nga farat e domates mund të prodhohet pendicilina. Përdorimi i domates nga njeriu e mbron atë nga sëmundjet e skorbutit, nga sëmundjet e syve dhe sëmundje të tjera infektive.
Domatja kuron nefritin, antitizmin, kapsllëkun.
Lëngu i domates së freskët ndihmon në sigurimin e freskisë dhe bukurisë së lëkurës.
Për ata që kanë puçrra ose njolla në fytyrë rekomandohet të përdoret locioni si më poshtë: Merren 100 gr domate e freskët, 900 ml alkool dhe 280 gr glicerine dhe mbasi përzihen mirë, me pak pambuk të pastër, vendoset mbi puçrrat dhe njollat e fytyrës, 1-2 herë në ditë për 7-10 ditë. Ky locion konkurron edhe ilaçet më të mira të kozmetikës që përdoren për të këtë qëllim.
Domatja ka gjetur një përdorim të mirë dhe në mjekësinë popullore për shërimin e plagëve, të thatave etj. që shoqërohen me mbledhje qelbi dhe me dhimbje si në duar, ashtu dhe në këmbë e në vende të tjera.
Në këto raste përdoret këshilla që vijon:
Merret një kokërr domate me madhësi mesatare dhe pritet në gjerësi në dy pjesë. Njëra pjesë nga ana e prerjes hidhet pluhur sheqeri dhe vendoset mbi lëkurën e sëmurë të mbledhur në plagë të thatë etj. Lidhet me fasho dhe bëhet kështu për disa orë. Mbas kësaj hapet plaga, del qelbi dhe fillon gradualisht pastrimi dhe shërimi i saj. Kjo lloj komprese jep rezultate shumë të mira kur fëmijëve u ka mbledhur ana e poshtme që shkel në tokë.
Për të larguar mushkonjat dhe mizat nga dhoma vendosen në krevat ose në vende të ndryshme të dhomës gjethe domatesh.
