Çdo njeri e din se pirja e duhanit dëmton shëndetin dhe ka efekte mjaft negative në disa organe, sidomos në mushkëri. Ekspertët kanë zbuluar se disa ushqime i ndihmojnë duhanpirësit në pastrimin e mushkërive nga substancat e dëmshme që gjenden në cigare. Ja disa prej këtyre ushqimeve:
Seleni: seleni është një mineral që gjendet në shumë ushqime si vezë, mish derri, mish qingji, arra, peshku ton, farat e lulediellit etj. Seleni përmban një enzimë e cila mundëson forcimin e membranës së mushkërive. Për këtë arsye ju duhet të hani ushqime të pasura me selen çdo ditë.
Hudhra: është një përbërës i rëndësishëm për mushkëri të shëndetshme sepse për shkak të vetive të shumta kurative që ajo mbart, mundëson pastrimin e mushkërive. Do të ishte e këshillueshme që hudhrën ta konsumonit të freskët sepse në gatime ajo i humbet disa nga vetitë e saj.
Xhenxhefili: kjo erëz ka veti antiseptike dhe antibakteriale, për këtë arsye ndihmon në pastrimin e kanaleve bronkiale. Pini çaj xhenxhefili çdo ditë.
Grejpfruti: përmban antioksidantë dhe është i njohur si një nga ushqimet më të mirë që ndihmon në luftën kundër kancerit. Ai redukton përhapjen (zgjerimin) e qelizave kancerogjene në trup, prandaj është një frut shumë i dobishëm për t’u konsumuar, veçanërisht nga duhanpirësit.
Përshtati në shqip për “Shëndet+”: Daniela Bardhi/ Burimi: healthdigezt
