Kryefaqja Box 4 Escherichia coli: njihuni me shenjat e këtij bakteri që mund të rezultojë...

Escherichia coli: njihuni me shenjat e këtij bakteri që mund të rezultojë i rrezikshëm për shëndetin

0
Shpërndaje

Përshtati në shqip për www.shendeti.com.al: D.Bardhi

Zakonisht bakteret Escherichia coli, të njohura ndryshe me termin E coli gjenden tek zorrët e bagëtive si gjedhi, delet, dhitë, por edhe tek kafshët e egra. Këto baktere përveç florës në zorrë mund të përfundojnë në nënproduktet e kafshëve përfshirë këtu mishin, qumështin, djathin etj.

E coli është një bakter që zakonisht nuk jep simptoma dhe mund të gjendet në zorrët e njerëzve.  Disa forma të tij mund të shkaktojnë infeksione urinare, gastroenterite dhe diarre.

Format e marrjes së këtij bakteri:

  • e coliPërmes konsumimit të ushqimeve apo ujit të kontaminuar
  • Nëse jetoni afër ambjenteve me bagëti
  • Nga ushimet si spinaqi, sallata, kastravecat dhe ushqimet e tjera me origjinë bimore që kultivohen me plehun e këtyre kafshëve
  • Nga uji i pistë
  • Nga mishi i pagatuar mirë, sidomos ai i fast-foodeve
  • Konsumimi i frutave dhe perimeve pa u larë

Si ta parandaloni rrezikun e këtij bakteri:

  • Lani mirë frutat dhe perimet
  • Qëndroni larg bagëtive, sidomos fëmijët
  • Zijeni mishin mirë dhe mos e hani të pagatuar
  • Tregoni kujdes me nënproduktet e kafshëve si qumësht, djathë etj
  • Kujdesuni për higjenën tuaj

Zakonisht bakteri E coli nuk shkakton simptoma, pavarësisht se mund të ndodhet në zorrët tuaja. Në raste të tjera më të përkeqësuara ai shkakton diarre, e cila brenda pak orësh bëhet hemorragjike. Simptoma të tjera mund të jenë koliti dhe dhembja e barkut. Duke qënë se dhimbjet janë shumë të forta, shpesh ky bakter ngatërrohet dhe me apandesitin. Zakonisht diarreja e shkaktuar nga bakteri E coli zgjidhet brenda 4-5 ditëve. Në rast se helmi qarkullon më gjatë, ai mund të shkaktojë anemi dhe insuficencë renale.

Kurimi: ky bakter nuk ka ndonjë kurë specifike. Madje terapia me antibotikë përveçse nuk është efikase mund edhe të përkeqësojë situatën. E vetmja gjë që mund të bëhet në këto raste është lehtësimi i simptomave. Në raste specifike mund të kërkohet infuzioni i cili kompenson humbjen e lëngjeve tek pacientët, pastrimi i gjakut me dializë në rastet kur po dëmton veshkat etj.

Burimi: Web medicine dhe Majo Clinic

LËR NJË MESAZH

Please enter your comment!
Please enter your name here