Organizata Përtej Barrierave në kuadër të projektit Europe4All ka organizuar një sesion informues në qytetin e Tiranes.
Ky aktivitet është vazhdimësi e disa aktiviteteve të tjera që ka organizuar Përtej Barrierave si implementuese lokale e këtij projekti.
Në projekt janë të perfshirë disa organizata partnere të tilla si:
- Sfera- Maqedionia Veriore e cila është edhe organizata lider e këtij projekti
- Përtej Barrierave – Shqipëri
- Centro di Studi ed iniziative Culturali” Pio La Torre”- Itali
- Cross Culture international Foundation- Malta
Qëllimi i këtij aktiviteti ishte të informonte të rinjtë për vlerat dhe përfitimet e vullnetarizmit, vullnetarizmin e strukturuar dhe mundësitë ekzistuese të vullnetarizmit për ndryshimet pozitive që vullnetarizimi mund të sjellë në komunitete.
Një element shumë i rëndësishëm ishte edhe dimensioni Europian që iu dha këtyre seminareve informuese. Të rinjtë patën mundësinë për të folur edhe për perceptimin e tyre Europian për pikëpamjet e tyre dhe si e shohin ata të ardhmen e tyre si pjese e Bashkimit Europian. Një element shumë I rëndësishëm ishte edhe plotësimi I formularëve në lidhje me institucionet dhe njohjen nga ana e te rinjve të këtyre institucioneve europiane.
Seanca filloi me një prezantim të të gjithë pjesëmarrësve dhe një prezantim të përgjithshëm të projektit brenda qëllimeve, objektivave dhe rezultateve. Ajo u organizua në një mënyrë interaktive ku pjesëmarrësit u inkurajuan gjithashtu të jepnin mendimet e tyre dhe të diskutonin përmes asaj që kishin dëgjuar, lexuar dhe përjetuar.
Metodat e arsimit joformal u përdorën për të zhvilluar tërë seancën në mënyrë që të promovojnë diskutime të hapura, përfshirje dhe qasje pjesëmarrëse.
