Përshtati në shqip për “shendeti.com.al”: D.Bardhi
Kistet e vezoreve janë një kusht shumë i përhapur tek femrat. Kisti është një çrregullim beninj që zhvillohet në vezore, i cili mund të shkaktojnë komplikacione nëse nuk trajtohet në kohë.
Në shumicën e rasteve këto kiste nuk përbëjnë rrezik për shëndetin. Në shumicën e rasteve kistet e vezoreve janë të vogla, madhësia e tyre mund të shkojë nga disa milimetra në më shumë se 5 centimetra.
Ja çfarë duhet të dini për kistet e vezoreve:
Mosha në rrezik: në shumicën e rasteve femrat formojnë kiste në vezore pasi arrijnë moshën e pjekurisë dhe gjatë periudhës së fekondimit. Kistet e vezoreve zakonisht zhduken me fillimin e menopauzës, por në raste të caktuara ato mund të shfaqen më vonë në jetë.
Faktorët që ndikojnë në shfaqjen e kisteve të vezoreve:
- Cikli menstrual i çrregullt
- Trajtimet e fertilitetit
- Çekuilibri hormonal
- Faktorët gjenetik
Simptomat e kisteve: shpesh kistet e vezoreve nuk shfaqin simptoma,veçanërisht në rastet kur ato janë në madhësi të vogël. Në rastet kur shfaqin simptoma, ato janë:
- Cikël menstrual i çrregullt
- Dhimbje barku dhe/ose dhimbje legeni që vazhdon dei në pjesën e pasme të këmbëve
- Dhimbje të forta të legenit para dhe gjatë periodave
- Dhimbje gjatë marrëdhënieve seksuale
- Të vjella, të përziera
- Parehati në bark
- Presion në zorrën e trashë dhe në fshikëz.
Trajtimi: zakonisht gjinekologu ju rekomandon kontrolle periodike për të parë nëse kisti mund të absorbohet me kalimin e kohës. Nëse kisti rritet në madhësi dhe shkakton dhimbje apo komplikacione të tjera mund të rekomandohen kontraceptivë oral ose mund të hiqen me anë të kirurgjisë.
Kistet dhe fertiliteti: kistet mund të bëhen pengesë për të mbetur shtatzënë, prandaj është shumë e rëndësishme që t’i identifikoni në kohë.
Sindroma e vezoreve policistike: në këto raste vezorja përmban shumë kiste. Në raste të tilla duhet kujdes shumë i madh sepse kjo sindromë mund të ndikojë në pjellorinë e gruas.
Burimi: Woman’s Health
