Përshtati në shqip për “Shendeti.com.al“: Blertina Koka
Një foshnje është braktisur nga prindërit për shkak të një sëmundje të rrallë që ia ka zmadhuar kokën tre herë më shumë se masa normale.
Royal Kumar, nga India, ka lindur me sëmundjen vdekjeprurëse “hydrocephalus”- një formë krijimi lëngjesh në tru. Kjo sëmundje ka bërë që foshnja 4-muajshe të ketë të përziera, është gjatë gjithë kohës i përgjumur dhe ka ndaluar zhvillimin e tij.
Prindërit e tij biologjikë nuk mund ta pranonin atë në këtë gjendje, prandaj e braktisën.
Fatmirësisht ai është adoptuar nga një çift tjetër, të cilët kanë harxhuar të gjitha kursimet për t’i shpëtuar jetën.
Deri më tani ata kanë paguar mbi 2000 paundë për trajtimin, por mbetet ende punë deri në shërimin e e tij. Kirurgët janë përpjekur që ta shërojnë me anë të një pajisjeje mjekësore të futur në kokë, e cila tërheq lëngjet në tru dhe i zbraz në enët e gjakut.
Sipas dr. Chandra Bhushan Sahay, profesoreshë e asociuar e neurokirurgjisë, “shkalla e vdekshmërisë është shumë e lartë në këto raste, duke qenë se rritja e trupit dhe e trurit nuk është normale, dhe nëse neglizhohet, shanset për të shpëtuar janë edhe më të vogla”.
Burimi: Daily Mail / https://shendeti.com.al/
