Shoqata e Fëmijëve dhe të Rinjve me Diabet në Shqipëri ka hartuar një peticion lidhur me problemet që kanë sidomos fëmijët, si e ardhmja e një vendi. Duke u kërkuar të gjithëve që ta firmosin këtë peticion, SHFRD shkruan:
“Të nderuar Znj./Z. …………..….
Ne jemi anëtarë vullnetarë në Shoqatën e Fëmijëve dhe të Rinjve me Diabet në Shqipëri “SH.F.R.D.”, të krijuar me vendim gjykate nr. 3492 datë 05.02.2013, me NIPT L 31506451 N, Tiranë.
“Shoqata e Fëmijëve dhe të Rinjve me Diabet” është një shoqatë pacientësh në shërbim të fëmijëve dhe të rinjve që po e vuajnë diabetin. Qëllimi i shoqatës tonë është të ndërgjegjësojmë dhe të ndihmojmë pacientët me diabet si dhe të mbrojmë të drejtat e këtij komuntiteti që fatkeqësisht po merr përmasa të frikshme.
Duke pasur parasysh që fëmijët dhe të rinjtë janë e ardhmja e një vendi, ne kërkojmë përmbushjen e të drejtave tona, në mënyrë që këtë sëmundje të përjetshme ta përballojmë duke ruajtur një shëndet të mirë, cilësor dhe pa ndërlikime, duke ulur numrin e invaliditetit në Shqipëri.
Kërkoj t’ju bëjë me dije se jemi duke mbledhur firma. Për të treguar mbështetjen e kësaj kauze e cila po merë përmasa të frikshme në vazhdimësi.
Gjejmë shkak t’ju kërkojmë mbështetje për fëmijët dhe të rinjtë me diabet në Shqipëri, për:
1- Të bëhet rimbursimi i fishave për matjen e nivelit të sheqerit (glicemisë) dhe ageve të aparateve matës (lancetave) dhe ageve për injeksionin e insulinës, të cilat janë të domosdoshme përditë po aq sa edhe insulina që rimbursohet.
2- Kryerjen e analizës të HbA1c në të gjithë Shqipërinë ose të paktën në spitalet rajonale.
3- Rishikimin dhe shkurtimin e proçedurave për marrjen e insulinës e ndryshimin e dozave të saj.
4- Dalja në KEMP për personat me diabet të tipit 1 të kryhet së shumti një herë në tre vjet dhe jo çdo vit.
Duke plotësuar të saktë: Emër, Mbiemër, Nr. Personal, Nr. e Telefonit dhe Nënshkrimin në faqet e “PETICIONIT” me stilolaps blu, të cilat do të mblidhen dhe do t’ju drejtohen Organeve kopetente për ti bërë fakt rimbursimit të fishave për matjen e nivelit të sheqerit në gjak (glicemisë) dhe ageve të aparateve matës (lancetave) e ageve për injeksionin e insulinës, të cilat janë të domosdoshme çdo ditë po aq sa edhe insulina që rimbursohet, si dhe një datë që do të nisi kjo veprimtari për të bërë me dije të gjithë personat me diabet dhe familjarët e tyre që na pyesin çdo ditë se kur do të ndodh ky rimbursim?
Shqetësimet e shprehura më lart janë disa problematika kryesore me të cilat ne dhe familjarët tanë, jetojmë çdo moment dhe shumica e tyre janë ndikuar kryesisht nga mungesa e mundësive ekonomike për ta ndjekur sëmundjen tonë sipas këshillave dhe kritereve të mjekut endokrinolog, në mënyrë që komplikacionet e kësaj sëmundjeje të shfaqen sa më vonë. Por, këto shqetësime janë vetëm një pjesë e vogël e shumë shqetësimeve të tjera që ne kemi. Shoqata e Fëmijëve dhe të Rinjve me Diabet në Shqipëri kërkon që këto shqetësime të merren parasysh dhe të shihen me konsideratën më të lartë!
Ne kërkojmë një kontribut duke firmosur këtë “PETICION”
Shpresojmë që fjala jonë të dëgjohet dhe ky shqetësim të marri zgjidhjen e duhur në bashkëpunim me Ju e/i nderuar …………………….!
Me respekt e besim për bashkëpunimin tuaj!
