Përgjigjet për shendeti.com.al, mjeku nefrolog Alketa Koroshi
Dr. Alketa Koroshi
Të gjitha janë probleme që kanë lidhje me veshkat dhe mund të shfaqen gjatë sëmundjeve të ndryshme të veshkave. Por këtu, në përjashtim të gjakut në urinë, ankesat e tjera nuk janë specifike për sëmundjet e veshkave. Për shembull, fryrja e barkut mund të vijë edhe nga problemet e zorrëve. Ulja e oreksit mund të vijë dhe nga sëmundje të tjera të përgjithshme, të cilat nuk kanë lidhje me veshkat. Megjithatë, në kontekstin e një sëmundjeje veshkash, këto edhe mund të ndodhin. Aq më tepër kur shoqërohen me gjak në urinë. Në këtë rast duhen bërë analiza të mëtejshme për të parë nëse ky gjak në urinë ka lidhje me sëmundje urologjike, nefrologjike etj.
