Nuk aplikoni sasinë e nevojshme: jepini trupit sasinë e kremit mbrojtës që ka nevojë. Aplikojeni në të gjithë trupin, pa harruar fytyrën. Nëse aplikoni pak dhe nuk e përhapni mirë, do të keni djegie lëkure.
Aplikojeni përsëri në lëkurë pasi të kenë kaluar 2 orë: etiketimi “rezistent ndaj ujit” nuk ka të bëjë me frazën “kundër ujit”, prandaj pasi të laheni, riaplikojeni.
Mos blini krem me filtra mbrojtës të ulët: shikoni me kujdes filtrat mbrojtës dhe kujdesuni të përzgjidhni një krem i cili ka të paktën 30 filtra mbrojtës. Ai do t’ju mbrojë nga 95% të rrezeve. Por kini parasysh: asnjë krem nuk mund t’ju mbrojë lëkurën plotësisht.
Kujdes kur përdorni krem në formën e sprajit: mund të jetë më i lehtë për t’u aplikuar, por nuk përhapet njëlloj në të gjithë trupin. Përhapeni mirë duke u siguruar që e gjithë sipërfaqja e lëkurës ka marrë sasinë e nevojshme të kremit mbrojtës.
Duhet ta aplikoni edhe kur nuk jeni të ekspozuar ndaj rrezeve të diellit: edhe nëpërmjet xhamit lëkura mund të thithë rrezet UV duke ju lënë shenja vetëm në disa pjesë të trupit. Gjithashtu telefoni celular apo drita e ekranit të kompjuterit janë burime të rrezeve të dëmshme.
Mos harroni ta aplikoni në pjesë të caktuara të trupit, si: kokë, veshë, qepalla, buzë si dhe majat e këmbëve. Për aplikimin më të lehtë në këto zona, përdorni një shkop të hollë (mund të provoni një kunj veshësh)./Marie Claire/Përgatiti: Elena Beta
