Do dëshiroja të kisha çdo lloj informacioni mbi gjendrat limfatike dhe sistemin limfatik, sidomos mbi kurimin e tyre
Përgjigjet mjeku endokrinolog Dashamir Gjergji
Gjendrat limfatike mund të dallohen nga pacienti vetëm nëse janë fryrë. Fryrja mund të vijë për shkaqe të ndryshme. Mund të jetë shkak infeksioni. Infeksioni mund të jetë bakterial, mykotik etj.
Megjithatë, fryrja e gjendrave limfatike mund të vijë edhe për shkaqe të tjera më të rënda. Nuk mund të themi format e trajtimit nëse nuk dimë shkaqet. Por, sa më të përhapura të jenë, aq më serioze është gjendja. Është mirë që pacienti të shkojë dhe të bëjë analizat përkatëse ose minimalisht të konsultohet me një mjek endokrinolog, i cili më pas do t’i shpjegojë procedurat që duhet të ndjekë mbi gjetjen e shkaku dhe kurimin e problemit që ai ka.
