Përshtati në shqip për “shendeti.com.al”: D.Bardhi
Sipas një hulumtimi 32-javësh të bërë nga Universiteti Tel Aviv, u gjet se një copë çokollatë e errët në mëngjes do t’ju ndihmojë të bini në peshë më shpejt dhe më lehtë.
Pjesëmarrësit u ndanë në 2 grupe, të dy grupet e pjesëmarrësve kishin të njëjtën dietë ushqimore dhe vetëm njërit prej grupeve ju fut një copë çokollatë si pjesë e dietës e cila duhet të konsumohej në mëngjes. Në fund të studimit u vu re se grupi i pjesëmarrësve që kishin konsumuar çokollatë kishin rënë 2 kg më shumë në peshë se pjesëmarrësit e tjerë.
Sipas studiuesve dietat e reduktuara janë të vështira për t’u mbajtur dhe kanë tendencë mos të arrijnë rezultatet e dëshiruara. Nga ana tjetër, një copë çokollatë në mëngjes përshpejton metabolizmin dhe rrit nivelin e kolesterolit të mirë në gjak.
Studimi tregoi se përqindja e lartë e kakaos në çokollatë i mundëson funksionim më të mirë trurit. Kakao rrit funksionet njohëse dhe parandalon sëmundjet e lidhura me trurin dhe memorien. Çokollata ju jep energji dhe ndjesinë e plotësisë. Për pasojë ju do të hani më pak dhe do të keni metabolizëm më të përshpejtuar.
Zgjidhni çokollatë me të paktën 70% kakao, pa qumësht dhe pa shtesë sheqeri.
Burimi: The Atlantic
