Për shendeti.com.al, mjeku kardiolog Elton Qeli
Në momentin që një pacienti kardiak i ndodh një helmim ushqimor, patjetër që ai njeri do të ketë ato simptomat e helmimit, që dihen. Sigurisht që masat do të jenë të njëjta si të gjithë pacientët që mund të 
helmohen. Duhet të marrin lëngje nga goja ose në mënyrë intravenoze në kushte spitalore, nëse shkalla e humbjes së lëngjeve do të jetë më e madhe.
Te pacientët kardiake duhet të kemi parasysh që të ruhet parametrat vitalë: tensioni, frekuenca, ritmi. Sepse ka nga ata pacientë që mund të kenë edhe aritmi nga humbjet e lëngjeve dhe të kaliumit. Ky mund të jetë kujdesi kryesor që duhet të kemi te një pacient kardiak. Rënia e nivelit të kaliumit që ndodh gjatë të vjellave nga një helmim ushqimor, mund të ndikojë për prirjen e aritmive te këta pacientë, ndaj duhet të jemi të kujdesshëm për zëvendësimin e kaliumit (Ushqime me shumë kalium janë: patatet e ëmbla, domatet, bananet, bishtajat, kosi, kumbullat e thata, lëngu i karrotës, peshku ton, qumështi, lëngu i portokallit).
