Përshtati për gazetën “Shëndet+”: Blertina Koka
Magnezi është parësor për shëndetin e muskujve, trurit dhe zemrës. Ai luan një rol shumë të rëndësishëm në funksionin fiziologjik dhe merr pjesë në qindra procese biokimike. Mënyra më e mirë për t’u siguruar se po merrni mjaftueshëm magnez është të konsumoni ushqime të pasura me vlera të shumta ushqyese, si drithërat, frutat e thata, bishtajoret dhe perime.
Nëse nuk merrni mjaftueshëm magnez, do të shfaqen këto probleme shëndetësore tek ju:
Mund të rritet tensioni i gjakut – Një dietë e vakët me magnez mund të shkaktojë hipertension, ose tension të lartë të gjakut. Magnezi ndihmon në mbajtjen në nivelet e duhura të kaliumit dhe kalciumit (mineralet kryesore për kontrollin e presionit të gjakut) brenda qelizave.
Mund të keni ngërçe muskulore dhe dridhje – Mungesa e tepërt e magnezit mund të shkaktojë ngërç, mpirje apo dhimbje të muskujve, duke qenë se ky mineral ka një rol shumë të rëndësishëm tek muskujt dhe funksioni nervor.
Mund të keni dhimbje koke – Ka prova që vërtetojnë se njerëzit që vuajnë nga migrena kanë mungesë të tepruar të magnezit.
Mund të prekeni nga osteoporoza – Studime të ndryshme kanë treguar se mungesa e tepruar e magnezit çon në shfaqjen e osteoporozës dhe thyerjen e kockave.
Burimi: Prevention Magazine / https://shendeti.com.al/
