“Veshja” e këmbës me qepë është një ilaç popullor që është përdorur që në kohën e gjyshërve tanë për të trajtuar një sërë sëmundjesh kur nuk kishin mjete mjekësore në shtëpi. Ky trajtim është i duhur për pastrimin e trupit, stimulimin e qarkullimit të gjakut, luftimin e gripit dhe ftohjet e zakonshme ose thjesht për përmirësimin e shëndetit të përgjithshëm.
Ky lloj trajtimi kërkon përdorimin e disa sendeve, si: një qepë të prerë në rrathë, një qese mbështjellëse (qese kuzhine) dhe çorape leshi të ngrohta.
Metoda: prisni qepët në rrathë të hollë dhe lërini disa minuta në një enë, në mënyrë që të nxjerrin lëngun e tyre. Vendosni copat e qepës në këmbë dhe mbështillini me qese kuzhine, pastaj vishni çorapet. Mbajeni qepën gjithë natën, në mëngjes shpëlajini këmbët me ujë të ftohtë.
Gjëja e parë që do të vini re të nesërmen në mëngjes pas aplikimit të kësaj metode, do të jetë përmirësimi i qarkullimit të gjakut. Këtë gjë do ta vënë edhe më shumë re personat që vuajnë nga diabeti apo tensioni i lartë i gjakut.
Këtë metodë nuk është e thënë ta përdorin vetëm personat që vuajnë nga sëmundje të caktuara, por edhe njerëzit e shëndetshëm, sepse kjo mund të quhet një masë parandaluese ndaj gripit dhe të ftohurës, sidomos në këtë periudhë që vjen stina e dimrit dhe këto sëmundje janë të pranishme.
Përshtati në shqip për “Shëndet+”: Daniela Bardhi
