Përshtati në shqip për gazetën “Shëndet+”: Daniela Bardhi
Shumë njerëz mund të hasen nga nevoja të pashmangshme për të konsumuar ushqime të ëmbla. Në fakt këto dëshira nuk i hasin vetëm diabetikët, por edhe njerëzit e tjerë që nuk vuajnë nga ndonjë problem i caktuar shëndetësor. Duhet të dini se kur niveli i sheqerit në gjak mbetet i lartë për një periudhë të gjatë kohore atëherë mund të çojë në komplikacione serioze shëndetësore. Disa nga faktorët që ndikojnë në rritjen e nivelit të sheqerit në gjak janë dieta e varfër ushqimore, stresi, mungesa e aktivitetit fizik, përdorimi i medikamenteve të caktuara etj.
Siç e përmendëm dhe më lart, niveli i lartë i sheqerit në gjak nuk do të thotë se keni diabet, megjithëse as kjo mundësi nuk përjashtohet. Disa nga simptomat e para që tregojnë rritjen e nivelit të sheqerit në gjak janë:
Gojë e thatë- Ndjesi e shpeshtë etje
- Nevoja të shpejta për urinim
- Ndjenjë e shpeshtë urie (sidomos për sheqerna dhe karbohidrate të parafinuara)
- Lodhje kronike
- Shtim në peshë dhe akumulim yndyre rreth zonës së barkut
- Paaftësi për t’u përqëndruar
- Paqartësi në shikim
- Infeksione të shpeshta
- Probleme me stomakun
- Probleme nervore
- Palgë apo gërvishtje që nuk mbyllen dhe nuk shërohen shpejt
- Impotencë etj.
Nëse vëreni disa nga simptomat e përmendura mësipër që ju shoqërojnë për një periudhë të gjatë kohore atëherë duhet të konsultoheni menjëherë me një mjek endokrinolog. / Burimi: healthgigest.com
