Përshtati në shqip për gazetën “Shëndet+”: Daniela Bardhi
Kolesteroli i lartë në gjak është një sëmundje prek shumë njerëz. Kjo sëmundje quhet si “vrasës i heshtur” sepse nuk shfaq simptoma dhe për pasojë nuk mund të kapet dhe të kontrollohet në kohë. Ja disa nga shkaktarët kryesorë që çojnë në rritjen e kolesterolit në gjak:
Dieta ushqimore: ushqimet e pasura me yndyrë të ngopur mund të çojnë në rritje të nivelit të kolesterolit. Mishi i derrit, viçit, qengjit, veza, gjalpi, djathi etj janë disa nga ushqimet që përmbajnë yndyrna të ngopura. Ju duhet të qëndroni larg fast food-eve dhe ushqimeve të paketuara gjithashtu.
Pesha: të qënurit mbipeshë mund të çojë në rritjen e triglicerideve dhe uljen e HDL, ose kolesterolit të mirë.
Aktiviteti fizik: mungesa e aktivitetit fizik mund të çojë në rritjen e kolesterolit të keq LDL dhe uljen e kolesterolit të mirë HDL.
Mosha dhe gjinia: pas kalimit të të 20-ave nivelet e kolesterolit mund të rriten natyrshëm. Tek meshkujt nivelet e kolesterolit zakonisht fillojnë të rriten ndjeshëm pas moshës 50 vjeç. Tek femrat, nivelet e kolesterolit qëndrojnë të ulura deri në menopauzë dhe më pas niveli i tij fillon të rritet ndjeshëm.
Historia familjare: kolesteroli i lartë është një problem shëndetësor i trashëgueshëm. Nëse keni pjestarë në familje që vuajnë nga ky problem, atëherë ju duhet të kujdeseni në maksimum për të mos u prekur.
Duhani: pirja e duhanit ul nivelin e kolesterolit të mirë në gjak. Nëse vuani nga nivelet e larta të kolesterolit të keq atëherë ju duhet të ndaloni pirjen e duhanit./ www.shendeti.com.al /Burimi: Health.com
