Përshtati për gazetën “Shëndet+”: Blertina Koka
Qeskat poshtë syve janë një problem shqetësues si për femrat ashtu edhe meshkujt. Ato formohen si shkak i mungesës së gjumit, lodhjes, përdorimit të substancave të dëmshme, alergjitë ose mund të jenë gjenetike.
Për fat të keq, qeskat poshtë syve mund të eliminohen plotësisht vetëm nëpërmjet ndërhyrjeve kirurgjikale. Megjithatë, ka edhe disa metoda alternative për trajtimin e tyre. Ja cilat janë ato:
Patatja: Kjo perime është shumë e mirë për uljen e inflamacionit dhe ndihmon për reduktimin e qeskave poshtë syve. Vetëm prisni pataten në feta, lërini të ftohen në frigorifer dhe pastaj vendosni poshtë syve, në pjesët ku janë formuar qeskat. Mbajini aty për 15 minuta.
Çaji jeshil ka gjithashtu veti anti-inflamatore, që ndihmojnë në reduktimin e qeskave poshtë syve dhe për rigjenerimin e lëkurës. Pasi të pini çajin jeshil vendosini qeset e tij në frigorifer dhe lërini derisa të ftohen për disa orë. Në mbrëmje, para se të flini, vendosini qeset e çajit poshtë syve dhe lërini për 15 minuta.
Qumësht – Nëse sytë tuaj shfaqin shenja lodhjeje, ky truk është shumë i mirë për freskimin e fytyrës dhe reduktimin e qeskave poshtë syve. Hidhni pak qumësht në një copë pambuku dhe aplikojeni në zonën përreth syve, sidomos aty ku keni ënjtje. Lëreni ashtu për të paktën 15 minuta dhe më as shpëlajini sytë me ujë të ftohtë.
Molla – Ky frut është një rigjenerues i duhur i fytyrës dhe ideal për reduktimin e qeskave poshtë syve. Prisni një mollë në feta dhe përgatitni një pure me të. Lëreni të ftohet në frigorifer për 10 minuta. Më pas aplikojeni në zonën përreth syve dhe mbajeni ashtu për 15 minuta.
Burimi: Step to Health / https://shendeti.com.al/
