Dr Sameer Partel, në bazë të një studimi të bërë, vuri në dukje zakonet që mund të shkatërrojnë dhëmbët. Ja disa prej tyre:
Mëngjesi: megjithëse konsiderohen si “mëngjes i shëndetshëm”, drithërat e mëngjesit përmbajnë shtesa të ndryshme dhe më shumë se 3 lugë sheqer. Kjo do të thotë se ato i shkatërrojnë dhëmbët. Një zgjidhje e mirë do të ishte t’i hanit këto drithëra me qumësht, në mënyrë që të reduktohet ndikimi i sheqerit në dhëmbë.
Pijet e nxehta: kafja dhe çaji janë një nga “armiqtë” kryesorë të dhëmbëve. Nëse pihen në sasi të mëdha, dhëmbët marrin ngjyrë të verdhë. Pas konsumimit të këtyre pijeve, shpëlajeni gojën me ujë të pastër.
Sanduiçët: sanduiçët që blihen të gatshëm (të paketuar), përmbajnë sheqer, i cili përmirëson shijen e bukës. Karbohidratet e përpunuara mund të krijojnë shumë baktere në gojë dhe për pasojë do të sillnin dëmtimin e dhëmbëve.
Frutat e shtrydhura: edhe pse konsiderohen shumë të shëndetshme, në fakt për dhëmbët nuk është kështu. Frutat e shtrydhura përmbajnë acide që mund të prishin smaltin e dhëmbëve.
Patatinat, frutat e thata, kokoshkat: këto produkte janë shumë të këqija për shëndetin e dhëmbëve, pasi janë ushqime të përpunuara dhe përmbajnë sheqerna dhe acide.
Përshtati në shqip për “Shëndet+”: Daniela Bardhi
