Para dy muajsh jam bërë operim nga koliti në Greqi pasi kisha shumë dhimbje të zorrës së trashë. Tani jam kthyer në Shqipëri, mirëpo kam po të njëjtat dhimbje si në fillim, para se të operohesha. Si është e mundur kjo?
Përgjigjet Nevila Lengu, mjeke gastrohepatologe në Poliklinikën e Specialiteteve Nr.1 në Tiranë.
Nuk e di për çfarë është kryer interventi i zorrës së trashë në rastin tuaj, por gjithsesi pas çdo interventi zorra e trashë do kohën e vet të rimarrë funksionin e vet normal. Nëse keni probleme me jashtëqitjen, ju rekomandoj psilloial 2 herë në ditë, sirup kolinox 2 herë 20 pika pas ngrënies, dhe për qetësimin e dhimbjeve gismotal 200 mg vetëm në rast dhimbje. Për më tej duhet të konsultoheni me gastrohepatologun e poliklinikës të cilës i përkisni./ Shendeti.com.al
