Përshtati në shqip për Shëndeti Online dhe Gazeta Shëndet+: Blertina Koka
Më në fund gjendet një kurë për osteoartritin, pa pasur nevojë për ilaçe. Rezulton që joga në karrige – që përfshin përdorimin e një karrige për të kryer pozat e modifikuara të jogës – mund të sjellë përfitime të shumta për njerëzit që vuajnë nga kjo gjendje. Hulumtuesit shkencorë nga Universiteti Florida Atlantik, në SHBA, kanë zbuluar se këto poza të jogës mund të ndihmojnë në lehtësimin e dhimbjeve nga artriti tek të rriturit.
Në studim u përfshinë rreth 130 të moshuar që vuanin nga osteoartriti në këmbë, gjunjë, ose kyçet e krahëve, të cilët u ndanë në dy grupe. Një grup ndoqi mësime joge në karrige, nga instruktorja Kristine Lee, dy herë në javë. Ndërsa grupi tjetër ndoqi një program edukativ shëndetësor dy herë në javë.
Pas 8 javësh, personat që morën mësime joge në karrige përjetuan një lehtësim të dhimbjeve dhe lodhjes. Ata patën gjithashtu një përmirësim në ecje krahasuar me grupin tjetër.
Mësimet e jogës Sit N’ Fit përfshijnë pozat në qëndrimin në këmbë, ulur, si dhe ushtrimet e frymëmarrjes, që fokusohen tek relaksi dhe meditimi.
Në videon e mëposhtme mund të shikoni pozat e jogës të demonstruara nga instruktorja e jogës Kristin McGee. Për ta nisur, ajo sugjeron tre poza të thjeshta – Poza shqiponjë, poza me alternime dhe tendosja e muskujve. Ky ushtrim merr vetëm 10 minuta.
Studimi është kryer nga Institutet Kombëtare të Shëndetit.
Për më tepër, ndiqni videon e mëposhtme.
Burimi: Health / https://shendeti.com.al/
