Përshëndetje! Dëshiroj të pyes për një shqetësim shëndetësor, por kam vite që e përjetoj. Në të dyja duart dhe këmbët kam djegie e skuqje në mënyrë të vazhdueshme. Ka raste që acarohen më tepër, por ka edhe momente që përjetoj qetësim. Kam djegie dhe temperaturë. Ne e quajmë “zjarri i natës”, por nuk e di se çfarë është. Çfarë më rekomandoni?
Selman Lirza, Mjek Dermatolog – Poliklinika e Specialiteteve Nr. 3
Zjarri i natës bëhet me flluska me ujë dhe mbledh dhimbje nga pjesa e qafës dhe tek shtylla kurrizore. Asnjëherë zjarri i natës nuk shfaqet pa dhimbje të forta. Po ashtu zjarri i natës nuk zgjat shumë, maksimumi 20 ditë dhe pastaj kalon. Këto shpjegime që ka dhënë pacienti nuk janë shenja të zjarrit të natës. Personi mund të këtë hiperemi ose ka një hipervaskularizim, por duhet parë me sy. Derisa pacienti shpjegon se ka 1 vit që po e përjeton shqetësimin, nuk kemi të bëjmë me zjarr nate. Unë rekomandoj një vizitë tek mjeku dermatolog, sepse zgjatja në kohë e simptomave të tilla mund të jenë shfaqur nga një sërë patologjish të lëkurës./ Shendeti.com.al
