Jam 24 vjeç dhe punoj kamerier. Ka rreth 2 javë që kam dhimbje shpine në mënyrë të vazhdueshme. Çfarë më rekomandoni?
Përgjigjet Vlera Lekaj, mjeke familje, Qendra Shëndetësore Nr. 8 Tiranë
Dhimbjet tek të rinjtë siç është mosha juaj mund të shfaqen si pasojë e dëmtimit të muskulit. Zakonisht dhimbje të tilla krijohen tek të rinjtë që janë më aktivë në jetën e përditshme dhe dhimbjet mund të ndodhin nga ndonjë sforcim fizik apo ngritje peshe. Dhimbja zakonisht zgjat deri nga 3 deri në 6 javë.
Në rastin tuaj, mund të jetë shkaktuar nga aktivitetet e përsëritura apo qëndrimi në këmbë vazhdimisht. Sugjerimi ynë i parë si mjekë është që në vendin ku ndihet dhimbja të mbahen
sende të ftohta. Megjithatë një vizitë tek mjeku i familjes është e rekomandueshme për të përcaktuar mënyrën e kurimit.
