Doktor, a ka një dietë të veçantë kur diagnostikohesh me helikobakter pylori?
Përgjigjja nga mjeku Ilir Kajo
Jo, nuk ka nje dietë të veçantë për helikobakter pylorin. Ka ushqime që preferohen të konsumohen ose mos konsumohen në rastin e sëmundjeve që shkakton ky bakter, si ulcera, gastriti. Për këta të sëmurë rekomandohen:
- Qumështi, kremrat, oriz me qumësht, djathë lope pa kripë, gjizë
- Vezë gjysmë të ziera, e bardha e vezës e rrahur, puding
- Buka e bardhë jo e freskët 150g/ditë (2-3 feta buke)
- Mish viçi, pule, peshk (vetëm të ziera ose të pjekura mbas zierjes)
- Supë me makarona dhe oriz
- Lakra, lulelakra, karrota të ziera
- Patate pure ose të ziera
- Domate gjysmë të bëra
- Fruta të pjekura pa fara dhe pa lëkurë, si: molla, dardha, pjeshka, banania
- Biskotat, pandispanja, qumështi Panda
- Gjalpi, margarina, vaji, krem pastiçerie
- Çaj mali, kamomili
