Jam një djalë 28 vjeç dhe doja të pyesja rreth një shqetësimi tim. Kam 6 ditë me kollë dhe kam pak sekrecione. U vizitova dhe më dhanë antibiotikë që po e përdor që prej tre ditësh, por kolla vazhdon të jetë e fortë, sidomos kur shtrihem, duke më penguar të fle. Doja të dija nëse terapia që më kanë dhënë është ajo e duhura dhe nëse jo, çfarë mund të përdor tjetër?
Edi, për shqetësimin tuaj kemi pyetur mjeken pathologe Anila Gjoni:
“Së pari nuk mund të them nëse është terapia e duhur ose jo, duke mos njohur llojin e antibiotikut që ju kanë rekoamanduar. Po ashtu nuk mund t’ju jap një mendim të saktë në distancë, duke mos njohur kuadrin e plotë klinik, nëse keni patur temperaturë apondonjë problem tjetër. Gjithsesi, do ju thoja se tre ditë mund të mos jenë të mjaftueshme për trajtimin e plotë të simptomave që paraqisni. Nëse kolla vazhdon do ju këshilloja të bëni një rikontroll dhe më pas të bëni një vizitë te mjeku pneumolog”.
