Ju lutem, më ndihmoni me një këshillë ose ilaç. Çdo vit për katër vjet rresht nga një ose dy muaj më zë një kollë sa ma merr shpirtin. Është kollë e thatë dhe më skuqet laringu dhe më vjen sikur kam diçka 
aty që më gudulis. Më fillon kolla dhe më lodh shumë. Çfarë nuk kam provuar, por asgjë dhe tani që shkruaj, jam në të njëjtën gjendje. Ju lutem, më ndihmoni! Jam edhe me diabet.
Përgjigjet për shendeti.com.al mjekja ORL, Anjeza Kuçi
Pacientja duhet të bëjë një kulturë fyti për mikrobe. Gjithashtu do të rekomandoja një sërë vizitash, fillimisht te mjeku ORL, një vizitë te mjeku alergolog dhe pneumolog për problemet pulmonare, një vizitë te mjeku gastrohepatolog për probleme të refluksit. Gjithashtu duhet të përpiqet që vlerat e sheqerit t’i mbajë në normë.
