Përshtati në shqip për Shëndeti Online: Blertina Koka
Djali 3-vjeçar i Michael Buble duket se e ka fituar betejën me kancerin në mëlçi. Ka qenë tezja e vogëlushit e cila ka treguar për një media argjentinase se Noah 3-vjeçar është shëruar nga kanceri.
“Kanceri iku”, mësohet të ketë thënë tezja e tij, dietologia Daniela Lopilato.
Gazetari i një emisioni mëngjesi në Argjentinë, Tomas Dente ka bërë publik lajmin duke thënë se do të rrëfente fjalë për fjalë se çfarë i kishte thënë në prononcim motra e Luisianës.
Ajo më tha, “Po, Noah po shërohet dhe ne jemi shumë të lumtur për këtë. Prindërit e tij do të flasin kur të jenë gati.”
Nuk ka ende konfirmim zyrtar nga prindërit e Noah për gjendjen e vogëlushit.
Noah u diagnostikua me kancer në mëlçi në muajin nëntor. Menjëherë pas marrjes së lajmit, prindërit e tij, këngëtari Michael Buble dhe modelja Luisana Lopilato, anuluan të gjitha aktivitetet, duke u shkëputur tërësisht nga jeta publike.
Burimi: The Sun / https://shendeti.com.al/
