Përshtati në shqip për “Shendeti.com.al”: Blertina Koka
Trajtimi për gurët në veshka mund të gjendet tek parku më i afërt me lodra, ka zbuluar një studim i ri.
Disa xhiro në slitën hekurudhore mund të jenë mënyra më e sigurt për të nxjerrë gurët nga veshkat. Në këtë përfundim ka arritur një grup shkencëtarësh nga Kolegji Shtetëror Universitar i Miçiganit, të cilët bënë 60 herë xhiro në slitat e Disney World për të testuar teoritë e tyre.
Studimi, i publikuar së fundmi, është ideuar nga urologu David Wartinger, pasi kishte dëgjuar nga shumë pacientë për këtë metodë për nxjerrjen e gurëve në veshka. Ai vendosi që ta testojë këtë metodë. Së bashku me ekipin e tij, ai zhvilloi një model të veshkës me silikon të printuar në 3D, të cilën e mbushën me urinë dhe 3 gurë të përmasave të ndryshme.
Ata bënë pastaj 60 herë xhiro tek slita me e madhe hekurudhore e Disney World, me modelin e veshkës të vendosur tek njëra ndenjëse. Në fund ata i analizuan xhirot për të përcaktuar se si vendosja e modelit të veshkës në slitë, pozicioni (në fillim apo në fund të slitës) ndikonin tek nxjerrja e gurëve nga veshkat.
Në varësi edhe të madhësisë së gurëve dhe vendndodhjes së tyre, rezultatet treguan se ulja në fund të slitës është më e mirë për nxjerrjen e gurëve në veshka, ku përqindja është 64% me 17% në fillim të slitës.
Gati 3 në 20 meshkuj dhe 2 në 20 femra preken nga gurët në veshka gjatë jetës së tyre, sidomos në moshat 30-60 vjeç.
Gurët në veshka janë kristale ose oksalate kalciumi që formohen në veshka ose fshikëzën e urinës. Këto kristale formohen nga kripa dhe acidi urik. Trashëgimia, mënyra e ushqyerjes, infeksionet urinare, mungesa e vitaminave dhe mineraleve, pasiviteti etj janë disa nga faktorët që ndikojnë në shfaqjen e gurëve në veshka.
Burimi: Daily Mail / https://shendeti.com.al/
