Përshtati në shqip për www.shendeti.com.al: D.Bardhi
Në stinën e verës një nga ambiciet e të gjithëve është të marrin një ngjyrë të bukur bronzi dhe për më tepër që t’ju qëndrojë për një kohë të gjatë.
Ja disa nga këshillat të vlefshme që do t’ju ndihmojnë të nxiheni shpejt dhe shëndetshëm:
Orari: rrezet e mëngjesit janë më të mirat për t’u nxirë shëndetshëm. Shmangni orarin 11 – 16 sepse janë rrezet më të dëmshme dhe do të plakin e rrudhosin lëkurën.
Mos përdorni kremërat e vitit të kaluar: mos përdorni kremrat që ju kanë mbetur nga viti i kaluar sepse ka shumë gjasa të jenë të skaduar dhe përveç se nuk do t’ju mbrojnë do t’ju dëmtojnë lëkurën.
Edhe rrezet poshtë çadrës “të nxijnë”: pavarësisht se mund të mendoni të kundërtën rrezet ju kapin deri në masën 50% edhe nëse qëndroni nën çadër.
Përdorni gjithmonë krem mbrojtës: nuk është i vërtetë fakti se kremi mbrojtës nuk të nxin, përkundrazi ai ju nxin, por më ngadalë dhe për më tepër ngjyra do t’ju mbajë më gjatë. Lyhuni me krem mbrojtes çdo 2 orë.
Burimi: The Cosmopolitan
