Përgatiti për gazetën “Shëndet+”: Elena Beta
Të gjithë, sidomos femrat, priren për të shpenzuar kohë dhe para kur është fjala për lëkurën dhe freskinë e saj. Ja disa receta alternative që do t’ju vijnë në ndihmë në rastet e problemeve me fytyrën.
Maskë me vezë për heqjen e puçrrave dhe shenjave në fytyrë: Vezët janë përbërësit idealë kur flitet për problemet e fytyrës. Në veçanti kundër rrudhave dhe akneve.
E verdha e vezës përmban proteina që ndihmojnë lëkurën të rigjenerohet, mbi të gjitha kur ka shenja të lëna pas nga aknet. Gjithashtu proteinat që përmban veza, heqin yndyrën e tepërt e cila bllokon poret.Për të hequr pikat e zeza, si dhe për të eliminuar puçrrat dhe shenjat e lëna nga aknet, përgatisni një maske më dy të verdha vezësh.
I hidhni në një enë dhe i rrihni me delikatesë me anë të një rrahësi (jo mikser kuzhine).
E aplikoni në fytyrë dhe e lini të thahet për 20 minuta duke u munduar mos ta lëvizni shumë fytyrën.
Me pas shpëlani fytyrën me ujë të ftohtë.
Maskë për heqjen puçrrave me domate, sheqer dhe limon: Kjo maskë është shumë agresive, kështu që përdorimi duhet të jetë i moderuar sidomos për lëkurat e ndjeshme. Në një mikser grini domaten të cilës i kemi hequr lëkurën, hedhim disa lugë të vogla sheqer dhe i shtrydhin gjysëm limoni. E aplikojmë në fytyrë dhe e mbajmë ashtu për rreth 20 minuta. Mund të aplikoni krem hidratues.
Maskë për eliminim e akneve dhe puçrrave: Kjo maskë nuk është dhe aq agresive, kështu që mund ta përdorin dhe personat me lëkurë të ndjeshme.
Në një enë hidhni 2 lugë kos të bardhë dhe 2 lugë mjaltë. Më pas në një mikser kuzhine grini gjysmë fete ananasi. I bashkoni dhe i aplikoni në fytyrë. E mbani për rreth 25 minuta dhe më pas e shpëlani me ujë të ftohtë.
Burimi: healthyfoodhouse/http://shëndeti.com.al
