Blertina Koka
Kombinimi i ushqimit është një art më vete, që ka marrë formë mijëra vite me parë. Duke i kombinuara disa ushqime të caktuara bashkë, mund të absorboni më shumë lëndë ushqyese. Vitamina të caktuara tek ushqime të ndryshme mund të funksionojnë së bashku në trup për të marrë sa më shumë lëndë ushqyese nga një vakt. Ja disa shembuj kombinimesh të ushqimeve, që do t’ju ndihmojnë të merrni sa më shumë përfitime shëndetësore.
Spinaq dhe luleshtrydhe
Aciditeti në stomak e bën të vështirë absorbimin e hekurit. Në këtë rast mund të ndihmojë vitamina C. Aciditeti i saj e konverton hekurin në një formë të lehtë për t’u absorbuar.
Një tjetër kombinim i mirë në këtë rast është fasulja me spec të kuq.
Perime + vezë
Disa perime përmbajnë karotide që mund të luftojnë sëmundje të ndryshme. Por, këta substanca janë të vështira për t’u absorbuar. Në këtë rast mund të ndihmojë yndyra nga e verdha e vezës. Duke ngrënë 3 vezë të gatuara me perime, mund të absorboni 3 herë më shumë karotide.
Shafran Indie + piper i zi
Shafrani përmban një përbërës i quajtur kurkuminë. Studimet kanë treguar se kurkimina mund të ndihmojë në parandalimin dhe trajtimin e sëmundjeve neurodegjenerative, kardiovaskulare, pulmonare, metabolike, autoimune dhe malinje. Por, trupi i njeriut e ka më të vështirë që të absorbojë kurkuminën. Piperine, një përbërës i gjendur tek piperi i zi, mund të ndihmojë në këtë rast. Studimet kanë treguar se duke shtuar 20 mg piperine në 2 gramë kurkuminë, rrit efikasitetin e tij me 2,000%.
Kujdes: abuzimi me kurkuminën mund të rrisë rrezikun e zhvillimit të gurëve në veshka.
Sallatë + vaj ulliri
Shtoni yndyra të shëndetshme në sallatë.
Një mënyrë e lehtë është të spërkasni pak vaj ulliri në sallatë. Yndyrat tek ky lloj vaji ndihmojnë në absorbimin e më shumë karotideve nga sallata.
Patate të ëmbla + spinaq
Patatet e ëmbla janë të pasura me vitaminë A. Por, trupi ka nevojë për zink për të transportuar vitaminën A në gjak. Studimet kanë treguar se njerëzit që kanë mungesë të zinkut nuk marrin shumë vitaminë A nga mëlçia. Prandaj, konsumoni ushqime të larta në zink, si spinaqi, me patate të ëmbla.
Prandaj, kur të përgatitni darkën herën tjetër, sigurohuni të merrni sa më shumë vlera ushqyese nga vakti./ Shendeti.com.al
