Në përfundim të këtij studimi, duke u bazuar në të dhënat e mara nga rezultatet dhe krahasimit të tyre me të dhënat e literaturës në studime të ngjashme nga autorë të ndryshëm, mund janë nxjerrë këto konkluzione:
- Kopshtet publike duhet të vlerësohen përtej një shërbimi të kujdesit të fëmijëve, si pika referimi komunitare për mirërritjen e brezave, këshillimin prindëror, referimin në zinxhirin mbrojtës të fëmijëve dhe mund të shërbejnë si pika hyrje për shërbime të tjera të ofruara nga Bashkia.
- Ofrimi i shërbimeve duhet të ngrihet mbi standarde për të siguruar cilësi të shërbimeve.
- Rezultatet e këtij studimi konfirmuan lidhjen statistikisht të rëndësishme midis nivelit ekonomik dhe kontribuimit të prindërve në kopshtin e fëmijës së tyre.
- Gjithashtu, rezultatet e këtij studimi treguan lidhje statistikisht të rëndësishme midis arsimimit të prindërve dhe mbështetjes që i jep puna e psikologut fëmijës suaj.
- Prindërit nuk kanë informacionin e nevojshëm mbi higjienën dhe kujdesin e duhur shëndetësor për fëmijët e tyre.
- Në kopshtet e qytetit të Tiranës, asnjë mjek nga Autoriteti Shëndetësor Rajonal i Tiranës nuk është paraqitur për një periudhë kohe shumë të gjatë.
- Për fëmijët e moshës parashkollore, të cilët jetojnë në familje me nivel ekonomik të ulët, nuk ofrohen mundësi për të pasur akses më të madh në shërbimin shëndetësor.
- Në kopshtet e qytetit të Tiranës psikologu mungon për një kohë të gjatë, konkretisht në kopshtet nr.56, kopshtin Kodër Kamëz dhe kopshtin Shkozë psikologu mungonte prej më shumë se 6 muajsh.
- Ndërhyrja e Bashkisë për rikonstruksion në disa kopshte është një nevojë emergjente për arritjen e standardeve dhe ruajtjen e shëndetit të fëmijëve./shendeti.com.al
