Kryefaqja Uncategorized Koronavirusi/ Mjekë dhe infermierë nga Kina mbërrijnë në ndihmë të popullit italian

Koronavirusi/ Mjekë dhe infermierë nga Kina mbërrijnë në ndihmë të popullit italian

0
Shpërndaje

Italia është vendi më i prekur nga koronavirusi pas Kinës. Të dhënat e fundit nga Italia tregojnë se po rritet frikshëm numri i viktimave. Mediat italiane kanë raportuar ditën e djeshme se vetëm në 24 orët e fundit janë shënuar 475 viktima.

Ky është bilanci më i rëndë i shënuar dhe tashmë numri i viktimave ka arritur në rreth 3 mijë. Përsa i përket numrit të të prekurve, tashmë ka arritur në 35,713.

Në këto kushte në ndihmë të popullit Italian kanë shkuar mjekë dhe infermierë nga Kina raporton La Repubblica. Me një pankartë në duar ku shkruhet “ne jemi valë nga i njëjti det, gjethe nga e njëjta pemë, lule nga i njëjti kopsht” ata kanë zbritur në aeroportin e Malppensës.

12 mjekët dhe infermierët kinezë më pas nxituan për në Lombardi, i cili është edhe rajoni më i prekur.

Ekipi mjekësor çoi në Itali 400 mijë maska, dhe pajisje të tjera mjekësore për një total prej 17 tonë material. Ekspertët vijnë nga spitale të ndryshme dhe qendra e kontrollit dhe parandalimit të sëmundjeve në provincën lindore kineze të Zhejiang.

LËR NJË MESAZH

Please enter your comment!
Please enter your name here