Përshtati në shqip për gazetën “Shëndet+”: D.Bardhi
Shpesh simptoma të tilla si sy të kuq apo të verdhë, të vjellat mund të duken si shenja të zakonshme, por mund të mos rezultojnë të tilla.
Ja kur duhet të konsultoheni me mjekun, në lidhje me këto shenja:
Të vjellat: mund të shkaktohen nga kushte të ndryshme si shtatëzania dhe kjo konsiderohet si gjë e zakonshme. Por të vjellat janë simptoma edhe të helmimit, sëmundjeve të zorrëve, apandesitit etj. Nëse të vjellat ju vazhdojnë për 2 ose më shumë ditë, konsultohuni me mjekun.
Fece e bardhë: kjo nuk është gjë normale, sidomos kur është kronike. Jashtëqitja në ngjyrë të zbehtë të verdhë/të bardhë shkaktohet kur kanalet bilare mbyllen. Ajo mund të tregojë për ndonjë tumor të mundshëm, sëmundje të mëlçisë apo gurë në tëmth.
Hemorroidet: nëse keni hemorroide, ju duhet të konsultoheni me mjekun. Me kalimin e kohës ato përkeqësohen, shkaktojnë dhimbje, gjakderdhje etj.
Dhimbje stomaku pas konsumimit të ushqimeve të caktuara: nëse hani ushqime të yndyrshme dhe ju dhemb apo irritohet stomaku, atëherë mund të vuani nga sindroma e zorrës nervoze.
Dhimbje dhe skuqje të syrit: kjo nuk është një gjë normale, mund të tregojë për ndonjë infeksion të syrit.
Burimi: Organic Life
