Përshtati për gazetën “Shëndet+”: Blertina Koka
Ekspertët e shëndetit janë duke i nxitur njerëzit të kontrollojnë nëse urina e tyre ka gjak, me qëllim shmangien e kancerit të veshkave dhe të fshikëzës. Njerëzit duhet t’i tregojnë mjekut nëse iu del gjak kur urinojnë, edhe nëse kjo ndodh vetëm njëherë.
Femrat sidomos duhet të tregojnë më shumë kujdes dhe të kontrollojnë urinën, duke qenë se urinojnë më rrallë se meshkujt. Çdo vit, mbi 17 mijë njerëz diagnostifikohen me kancer në fshikëz ose veshkë në Britani, dhe 7600 e këtyre pacientëve humbin jetën.
Sipas Shëndetit Publik në Britani, nismat e ndërmarra nga shoqata të ndryshme për të informuar njerëzit mbi simptomat e kancerit të veshkave dhe fshikëzës kanë parandaluar vdekjen e 70 pacientëve nga kanceri i fshikëzës dhe 25 nga një lloj sëmundje që prek veshkat.
Nëse kanceri i veshkave dhe fshikëzës diagnostifikohen që në fazat e para dhe nis sa më shpejtë kurimi, shanset për të jetuar rriten në 84% dhe 77% për të dyja llojet e kancerit, respektivisht. Ndërsa, nëse dignostifikohen me vonesë, shanset për t’u shëruar janë shumë të vogla.
Burimi: Independent / https://shendeti.com.al/
