Mjeku Ilir Alimehmeti ka ngritur alarmin sa i takon marrjes së antibiotikëve pa recetë mjeku.
Në studion e emisionit “7pa5”, Alimehmeti tha se antibiotiku është për të luftuar infeksionet që janë në trup, të cilat i konstaton mjeku, por shtoi se jo domosdoshmërisht është një gjë e tillë kur kemi temperaturë.
Sipas mjekut, është e rëndësishme që antibiotikun ta marrim vetëm me referim të mjekut dhe jo këshillat e farmacistëve, komshinjve apo internetit.
“Antibiotiku përdoret kur thotë mjeku. 1 e 3 e shqiptarëve e merr pa recetë. Kur mjeku të viziton sheh baktere dhe në atë moment po. Antibiotiku lufton infeksionet, nuk ul temperaturën. Temperatura nuk është infeksion domosdoshmërisht, mund të jetë edhe virozë. Këshillat dhe antibiotiku nuk merret as nga farmacisti, as nga komshiu dhe as nga këshilla në internet”, tha Alimehmeti.
Burimi: vizionplus.tv
