Përshtati në shqip: Blertina Koka
Suplementet e hekurit
Këto suplemente mund të ulin efektet e ilaçeve që përdoren nga njerëzit që vuajnë nga hipotiroidizmi (kur trupi nuk prodhon mjaftueshëm hormone). Nëse po mjekoheni me këtë ilaç dhe multivitamina, sigurohuni që këto të fundit mos të kenë hekur në të. Nëse ju nevojitet suplementi i hekurit, konsultohuni me mjekun për ta përdorur atë dhe ilaçet e tjera në kohë të ndryshme.
Antihistamina
Këto ilaçe ndihmojnë për të lehtësuar hundët bllokuara dhe teshtimën të shkaktuar nga alergjitë, por nga ana tjetër mund t’i bëjnë ilaçet për tensionin e gjakut më pak efikase dhe të rrisin rrahjet e zemrës. Nëse merrni ilaçe për tensionin e lartë të gjakut, flisni me mjekun që t’ju rekomandojë mënyra të tjera për të mbajtur nën kontroll alergjitë.
Ilaçet për epilepsinë
Këto ilaçe përdoren për mbajtjen nën kontroll të sëmundjes së epilepsisë, por nga ana tjetër mund t’i bëjnë më pak efikase pilulat për kontrollin e lindjes, duke penguar kështu parandalimin e shtatzënive të padëshirueshme. Studimet kanë treguar gjithashtu se nëse përdoren me disa ilaçe të tjera, mund të shkaktojnë efekte anësore serioze.
Vitamina K
Nëse merrni warfarin – që përdoret për të trajtuar dhe parandaluar mpiksjen e gjakut – kini kujdes se sa vitaminë K merrni. Ajo mund t’i bëjë më pak efikase holluesit e gjakut dhe rrisin rrezikun për mpiksje të gjakut. Brokoli, lakrat e brukselit, majdanozi dhe spinaqi janë disa nga ushqimet më të pasura me vitaminë K.
Ginkgo Biloba
Disa njerëz e përdorin këtë bimë mjekësore për të ulur ose parandaluar rritjen e tensionit të gjakut, demencën, zhurmat në vesh (tinitus) dhe gjendje të tjera. Por, nga ana tjetër mund të dobësojë efektet e disa ilaçeve që përdoren për mbajtjen nën kontroll të epilepsisë dhe marramendjes.
Jamballi
Disa njerëz e përdorin jamballin si bimë mjekësore që ndihmon me tretjen. Por ajo mund të dobësojë efektin e disa ilaçeve, si për shembull “cyclosporine” e përdorur nga njerëzit që kanë kryer transplanto të një organi.
Xhinsengu
Xhinsengu mund të ulë efektet e ilaçeve që përdorin për hollimin e gjakut (warfarin). Prandaj nëse përdorni hollues gjaku si heparinë ose aspirinë, si dhe ilaçe anti-inflamatore jo-steroidale si ibuprofeni ose naprokseni. Nëse merrni frenues të MAO, xhinsengu mund të shkaktojë dhimbje koke, probleme me gjumin, hiperaktivitet dhe nervozizëm.
Burimi: WebMD / Shendeti.com.al
