Përshtati për gazetën “Shëndet+”: Blertina Koka
Sipas shkencëtarëve japonezë, vetëm një filxhan çaji jeshil në ditë ul rrezikun për t’u prekur nga sëmundjet e zemrës dhe vdekja e parakohshme. Në studimin e kryer tek më shumë se 90 mijë njerëz të grupmoshës nga 40-69 vjeç, për katër vjet, hulumtuesit japonezë zbuluan se personat që konsumojnë më shumë çaj jeshil në ditë, janë më pak të rrezikuar të vdesin nga sëmundjet e zemrës, goditjet në tru ose probleme me frymëmarrjen.
Femrat që pinin vetëm një filxhan çaj jeshil në ditë, ishin 10% më pak të rrezikuara për të pasur një vdekje të parakohshme, ndërsa me rritjen e sasisë së çajit ulet edhe rreziku. E njëjta gjë vlen edhe për meshkujt.
Përveç se ju shpëton nga sëmundjet e zemrës, çaji jeshil rregullon edhe tensionin e gjakut dhe ndihmon për të rënë në peshë. Ai është i pasur me antioksidues të quajtur polifenole, që ju ndihmojnë të humbisni kilogramët e padëshirueshëm.
Burimi: Daily Mail / https://shendeti.com.al/
