Përshtati në shqip për “Shendeti.com.al“: Blertina Koka
Me këtë verë të nxehtë, dëshira për pije freskuese me shije frutash godet çdo minutë. Në treg mund të gjesh një shumëllojshmëri të gjerë frutash, me çmime nga më të ndryshmet. E rëndësishme është që ata të jenë të freskët dhe organik. Një frut i shijshëm dhe me përfitime të shumta shëndetësore është shalqiri. Ai është i mirë sidomos për meshkujt, pasi, jo vetëm e freskon, por e bën edhe më “burrëror”.
Kjo të paktën sipas disa studimeve të ndryshme, të cilat sugjerojnë se shalqiri është një “viagra e natyrës”. Sipas hulumtuesve shkencorë italianë, citruline (një aminoacid që gjendet tek shalqiri) mund të trajtojë disfuksionin e vogël erektil (impotencën seksuale) tek meshkujt, pa shkaktuar asnjë efekt anësor.
Më thjeshtë, për meshkujt që nuk vuajnë nga impotenca seksuale, cirtuline shërben si një përmirësues i qarkullimit të gjakut. Gjithçka që është e mirë për qarkullimin e gjakut, është gjithashtu e mirë edhe për jetën seksuale.
Orgazma nuk është asgjë tjetër veçse një episod i gjatë i lëvizjes së gjakut nëpër trup, në mënyrë të shpejtë dhe të kënaqshme, duke u fokusuar tek truri dhe gjenitalet.
Përveç përfitimeve në jetën seksuale, lëngu i shalqirit ofron gjithashtu doza të shumta të vitaminës C dhe kaliumit. Ai përmban pak sheqer, ashtu si shumë lëngje të tjera frutash, megjithatë është akoma më i mirë se kaloritë boshe të sodës.
Burimi: Bustle / https://shendeti.com.al/
