Elena Beta / Shëndeti Onine dhe gazeta ‘Shëndet+’
Aktorja e njohur Delinda Zhupa, e njohur si “Drejtoresha e Tatimeve” në spektaklin e humorit “Portokallli”, sot me siguri ka përjetuar gëzimin më të madh të jetës, pasi ka sjellë në jetë fëmijën e saj të parë.
Gazeta ‘Shëndet+’ ka mësuar se aktorja Zhupa dhe partneri i saj, Eldo Disha, janë bërë prindër të një djali, të cilin e kanë pagëzuar me emrin Dasantin.
Lajmi i gëzuar është bërë i ditur nga babai i djalit.
Vetëm para pak ditësh aktorja Zhupa ka dhënë një intervistë ekskluzive për gazetën ‘Shëndet+’.
“Fëmija, ëmbëlsira që nuk të vel kurrë. Është esenca e jetës”, u shpreh aktorja në intervistën e dhënë për ‘Shëndet+’.
Deli (ashtu siç e thërrasin njerëzit e afërt) ka rrëfyer për ‘Shëndet+’ emocionet që ka përjetuar që nga momenti kur ka mësuar se është shtatzënë deri në muajin e nëntë të shtatzënisë.
“Shtatzënia është sakrifica që të jep lumturinë më të madhe në botë, që do të thotë të krijosh një engjëll i cili nga dita në ditë rritet, evoluon dhe ti mezi pret ta sjellësh në jetë e më pas t’i përkushtohesh gjithë jetën. Është ajo e cila të jep statusin nënë, një status i bukur, i vështirë dhe emocion i rrallë”.
Intervistën e plotë mund ta lexoni në numrin e ri të gazetës ‘Shëndet+’, që e gjeni në të gjitha pikat e shitjes së gazetave.
