Përshtati në shqip: Blertina Koka
Larja e enëve dhe palosja e rrobave mund të mos jenë gjërat më të rëndësishme të ditës. Megjithatë, aktivitete të thjeshta si këto mund t’ju zgjasin jetën, sugjeron një studim i ri.
Studimi amerikan ka zbuluar se gratë të cilat kryejnë edhe aktivitete të tilla të “lehta” kanë më pak rrezik që të vdesin para kohe. Ato që shpenzojnë rreth 30 minuta në ditë duke bërë punë shtëpiake, si pastrimi i dyshemesë apo dritareve, janë 12% më pak të rrezikuara nga vdekja e parakohshme. Nëse do të bëni edhe ecje të lehtë çdo ditë apo shëtisni me biçikletë, rreziku ulet me 39%.
Në studim u përfshinë më shumë se 6000 gra të moshës 63-99 vjeç.
“Të bësh diçka është më mirë se asgjë, edhe në nivele më të ulëta të aktivitetit fizik seç rekomandohet nga ekspertët”, thotë profesor Michael LaMonte nga Shkolla e Shëndetit Publik tek Universiteti i Bufalos.
Burim: Daily Mail / Shendeti.com.al
