Përshtati në shqip për “Shendeti.com.al”: Blertina Koka
Anemia është një sëmundje e zakonshme e gjakut që zhvillohet kur ka mungesë të qelizave të kuqe të gjakut, apo kur këto qeliza nuk kanë mjaftueshëm hemoglobinë.
Hemoglobina është proteina përgjegjëse për transportimin e oksigjenit nga mushkëritë te pjesë të tjera të trupit. Meqë të gjitha organet e trupit kanë nevojë për oksigjen që të funksionojnë siç duhet, të qenit anemik mund të sjellë probleme të rënda me shëndetin.
Personat që vuajnë nga anemia zakonisht ndihen të dobët, të lodhur dhe e kanë të vështirë të përqendrohen. Ata kanë gjithashtu lëkurë të zbehtë dhe flokë e thonj të brishtë.
Për trajtimin e kësaj sëmundjeje është shumë e rëndësishme konsumimi i ushqimeve të pasura me hekur. Ky mineral është përgjegjës për rritjen e numrit të qelizave të kuqe të gjakut.
Më poshtë do të gjeni një lëng me mollë, manaferra dhe luleshtrydhe, e cila mund të konsumohet nga personat që vuajnë nga anemia e shkaktuar nga mungesa e hekurit.
Përbërësit:
2 manaferra
3 luleshtrydhe
1 mollë
½ gotë ujë (100 ml)
Përgatitja:
- Lajini mirë manaferrat dhe luleshtrydhet dhe i vendosni në një shtrydhëse
- Pritni mollën në feta dhe e vendosni po ashtu në shtrydhëse (Mos harroni të hiqni farat).
- Shtoni një gjysmë gote ujë tek shtrydhësja dhe shtrydhini përbërësit për pak minuta.
- Konsumoni këtë pije çdo mëngjes.
Kjo pije përmban hekur dhe antioksidues që ndihmojnë në pastrimin e gjakut.
Burimi: Step to Health / https://shendeti.com.al/
