Gjykata e Shkodrës ka vendosur të lërë të lirë shefin e kardiologjisë në Spitalin e Shkodrës. Në seancën e sotme të vlerësimit të masës së sigurisë, gjykata cilësoi të paligjshëm arrestimin e mjekut kardiolog Edi Smailaj.
Shefi i Kardiologjisë u arrestua mesditën e së mërkurës pasi dyshohet se ka falsifikuar dokumentet shëndetësore të pedagogut Simon Lufi, i arrestuar po ashtu për korrupsion pasiv.
Sipas policisë, mjeku Edi Smajlaj firmosi shtrimin në spital të pedagogut me pretendimin se ka probleme shëndetësore, me qëllim që të mos dërgohej në qelinë e paraburgimit.
Dy ditët e fundit, mjekët e spitalit të qytetit të Shkodrës kanë protestuar kundër vendimit për arrestimin e kolegut të tyre, duke paralajmëruar se do të bojkotojnë punën deri në lirimin e shefit të Kardiologjisë./ https://shendeti.com.al/
