NGA REDUKTIMI I DËMIT DREJT SIGURISË SË PACIENTIT
Tashmë, pas gjithë diskutimeve ku janë angazhuar ekspertët më të mirë vendas sëbashku me kolegë rajonalë dhe ndërkombëtarë, është bërë e qartë se redukimit i dëmit si koncept i shëndetit publik duhet të kalojë përtej fushave tashmë tradicionale si parandalimi i dëmeve të drogës, të duhanit, alkoolit, dhe të përfshijë aspekte të tjera të mjekësisë klinike dhe të një bashkëpunimi të ngushtë me shëndetin publik, etj. Koncepti i reduktimit të dëmit është një qasje që pranon se disa zakone të keqija ose varësi nuk mund të zhduken menjëhere ose plotësisht.
Ky parim përqëndrohet në zvogëlimin e dëmit më shumë sesa në analizimin e arsyeve pse një person “ngjitet” pas atij zakoni, pavarësisht se është i vetëdijshëm se ai është i dëmshëm.
Një aspekt i rëndësishëm është trajtimi i problemeve të reduktimit të dëmit (risqeve) nga mjekë klinicistë me reputacion në fushat e tyre të cilët i kanë kaluar kufijtë e mjekësisë klinike duke lekturuar mbi koncepte tepër të çmuara të shëndetit publik, si parandalimi, protokollet, përdorimi i teknologjive më bashkëkohore (si inteligjenca artificiale) për të përmirësuar cilësinë e shërbimit dhe sigurinë e pacientit.
Në mjekësinë e sotme nuk mund të flitet më thjesht për reduktim dëmi, por për sigurinë e pacientit, një nga konceptet bazë në ofrimin e kujdesit shëndetësor bashkëkohor dhe modern. Reduktimi i dëmit duhet të jetë pjesë integrale e strategjive të shëndetit publik dhe strategjitë gjithëpërfshirëse të shëndetësisë si dhe të jetë pjesë e punës së mjekëve në çdo nivel, jo vetëm në fushën e shëndetit publik, por edhe në mjekësinë e familjes dhe atë të kujdesit spitalor dhe ky material i i paraqitur nga profesionistë të spikatur në fushat respektive do t’i shërbejë si një ekperiencë e mirë dhe për t’u aplikuar në vendin tonë.
Materiali i paraqitur bazohet dhe në dokumentat strategjikë të OBSH dhe të politikave të Ministrisë së Shëndetësisë dhe Mbrojtjes Sociale.
Klikoni linkun për leximin e manualit të plotë:
Manual informues – Reduktimi i Risqeve dhe Shendeti
