Përshtati në shqip për gazetën “Shëndet+”: Blertina Koka
Nuk thonë kot se flokët janë gjysma e bukurisë, por për t’i pasur gjithmonë në gjendjen e duhur, duhet t’u kushtojmë shumë kujdes. Flokët me yndyrë janë shumë të bezdisshëm dhe shpesh na detyrojnë t’i lajmë çdo ditë. Por larja e tyre çdo ditë nuk është diçka e mirë, prandaj po ju prezantojmë një maskë shumë praktike për të larguar yndyrën. Kjo maskë ka si përbërës kryesor domaten.
Niveli i lartë i acidit tek domatja ndihmon në balancimin e nivelit të pH-së në kokë, i cili është i rëndësishëm për kontrollin e sekretimit të tepërt të yndyrës. Nëse keni flokë të yndyrshëm mund t’i trajtoni ato me lëng domatesh.
- Pasi t’i lani flokët, aplikoni lëng domatesh në kokë.
- Lëreni për 10 minuta.
- Shpëlajeni kokën me ujë të vakët
- Përsëriteni këtë proces një ose dy herë në javë.
Ky trajtim për flokë është gjithashtu i mirë nëse keni zbokth.
Një maskë tjetër që ndihmon në rritjen e flokëve:
Shtypni dy domate, përzieni me 1 lugë gjelle vaj ulliri ekstra i virgjër dhe 2 lugë çaji xhel aloe vera derisa të formohet një pastë. Aplikojeni pastën në kokë. Lidhini flokët me diçka dhe mbajini ashtu për 30 minuta. Më pas i lani flokët si zakonisht. Përsëriteni këtë trajtim njëherë në javë.
Një tjetër opsion është të përzieni 1 domate me 2 lugë gjelle vaj kastori. Aplikojeni atë në kokë. Mbajeni për rreth 30-45 minuta dhe më pas i lani flokët me shampo. Përsëriteni këtë trajtim njëherë në javë.
Burimi: Top 10 Home Remedies / https://shendeti.com.al/
