Përshëndetje. Jam Ina. Lutem, kam një shqetësim, sepse mbesa ime ka ekzeme të theksuar në gjithë trupin, ka shumë kruarje. Ekzema i ka dalë që 6 muajshe tani është 6 vjeçe ,gjendja është e njëjtë ,lëkura e thatë dhe shumë e irrituar. Ka përdorur kremra të dhëna nga mjeku, por asnjë përmirsim .Faleminderit për çdo ndihmë që mund të më ofroni.
Për problemin e mbesës tuaj ne kemi pyetur dermatologen, Monika Fida.
Referuar çfarë më thoni mendoj që është dermatit atopik (ekzemë ). Fëmija ka lëkure shumë të thatë që është karakteristike e kësaj sëmundjeje. Është e nevojshme të përdorë shampo me hidratues ( moisture, Exomega A Derma) në mënyrë frekuente, dhe menjëhere pas dushit të përdoret latte Exomega A Derma. Këto të përdoren në mënyrë frekuente. Në varësi të shkallës së sëmundjes dhe elementeve duhet të trajtohet dhe me ndonjë pomade por kjo përcaktohet duke u vizituar pranë mjekut dermatolog!
