Përgjigjja nga mjekja ORL Anjeza Kuçi
Zhurma në vesh është një nga simptomat më të përhapura në popullatë dhe shumica e pacientëve të paraqitur në shërbimin 
ORL e kanë ankesë kryesore të tyren.
Patologjitë që manifestohen me zhurmë në vesh, janë nga më të ndryshmet, që nga sëmundjet e veshit të mesëm dhe deri në dëmtimin neurosensorial të nervit të dëgjimit.
Në rastet që një person ka probleme të tilla, është mirë që të konsultohet me mjekun otorinolaringolog përkatës, pasi duke qenë se shkaqet janë të shumta, nuk mund të jepet një kurë e përgjithshme. Si fillim duhet gjetur shkaku dhe pastaj do të trajtohet zhurma.
