Doktoreshë, përshëndetje. Jam një 58-vjeçar dhe para 8 muajsh më janë shfaqur ca shenja në formë rrethi me diametër rreth 5 cm me puçrra të kuqe në pjesën e përparme pak sa mbi nockat e këmbës, po ashtu edhe në pulpën të njëjtës këmbë më 
kruhet fort. Të lutem, çfarë mjekimi më rekomandon.
Përgjigjet mjekja dermatolog Blerta Gjoni
Pacientit i rekomandohet të përdorë vetëm një krem me bazë kortizoni të lehtë, dy herë në ditë për një kohë të shkurtër 5 ditë. Kuptohet, këtë trajtim mund ta marrë nëse nuk ka mundësi për të ardhur te mjeku dermatolog. Gjithsesi, mirë do të ishte të konsultohej me mjekun më parë, në mënyrë që mjeku të shohë dhe të vlerësojë vërtet rastin dhe të japin trajtimin më të mirë për të.
